THANK YOU

Shqiptarët janë të parët të ndihmojnë njerëzit në nevojë, por e kanë si zor të falënderojnë të suksesshmit. Një emision me të ftuar në studio,  drejtuar me mjeshtëri dhe dashuri nga drejtori i ALBTVUSA z. Gani Vila, për të vlerësuar të gjithë biografinë, jetën e veprimtarinë e tyre mbushur me detaje kaq interesante, për t’u thënë në emër të gjithë shqiptarëve: “Faleminderit, Thank You !”

HISTORIA SHQIPTARE

Historia e individëve ose evenimente që kanë të bëjnë me historinë e popullit shqiptar.

UNIVERS

Ashtu siç e ka titullin një emision që ngërthen një univers të tërë tematikash dhe këndvështrimesh.

HITPARADA

Muzika, arti, showbiz dhe Lifestile të përmbledhura në një program, për të rinjtë dhe jo vetëm nga Jola Rexho.

ARGUMENT

Një emision i drejtuar nga gazetari Rafael Floqi, një herë në javë "Jeta sociale politike dhe kulturore e diasporës dhe e vendlindjes nën skanerin e analizës së të ftuarve në studio, nën pyetjet investiguese të drejtuesit të emisionit, për të hyrë më në hollësi tek detajet që na shqetësojnë të gjithëve.

RUBRIKA SPORTIVE

Gjithçka që ndodh në fundjavën sportive në vend dhe në botë analizohet dhe komentohet me pasionin sportiv te fakteve dhe analizës sportive të Astrit Kalibaqit.

KOMBI YNË

Një hapësirë me studime, dokumente dhe m dokumentarë ilustrues nga Rafael Floqi, për të treguar Shqipërinë e vërtetë, historinë e kombit tonë, krenarinë për të djeshmen dhe të sotmen.

MEMO

Një analizë e zgjeruar e fakteve të ngjarjeve të javës nën këndvështrimin dhe objektivin e kryeredaktorit Rafael Floqi, vjen dy herë në javë . Një mënyrë që ju shtyn të mendoni më thellë për dukuritë dhe ngjarjet dhe të nxirrni konkluzionet tuaja.

MALËSIA E MADHE PËLLËMBË E THESAR

Një cikël emisionesh ideuar dhe realizuar nga drejtori i ALBTVUSA, Gani Vila kushtuar kontributit të pazëvendësueshëm, të malësorëve të Malësisë së Madhe, duke nxjerrë në pah nëpërmjet dokumentarëve, intervistave dhe krijimeve artistike, vlerat e pazëvendësueshme të kësaj krahine të shquar për patriotizëm art dhe kulturë.

VIZION

Gazetarja Jola Rexho në një program i formatit Talk Show, sjell para jush një herë në javë, të rinjtë dhe këndvështrimin e tyre mbi jetën në diasporë dhe perspektivën e tyre në SHBA , etj.

KËNDI I EMIGRANTIT

Problemet e emigracionit, thellimi i njohjes ligjore , problemet që hasen nga bashkatdhetarët, sillen para jush me synimin për të ndihmuar sado pak në lehtësimin e  dhe njohjen ligjore të problemeve.

JETA NË KOMUNITET

Jeta dhe veprimtaria e Diasporës së Amerikës në syrin e korrespondencave tona nga Michigani, New Yorku , Chicago etj.  Një arkivë e gjallë e reportazheve të reporterëve tanë Rafael Floqi, Beqir Sina, etj nga veprimtaritë, patriotike, politike, kulturore dhe sportive të komunitetit shqiptar në SHBA . Një memorie e gjallë e diasporës të Amerikës.

SHQIPONJAT FLASIN SHQIP

Një program për të më të vegjlit për të ndihmuar në njohjen dhe mësimin e gjuhës shqipe.